بابك كيمي دور قوللاريني چيرمالا هئي هئي
تورك ائللريني ييغماغا تونقال قالا هئي هئي
باش بؤلگو بؤلنلر سيزي ياددان چيخاديبلار
حق آلمالي دير دور ياپيشاق قول قولا هئي هئي
غم ديو كيمي دونياني دوتوب اوجونا سيخدي
باس بار ماغي سينسين بوغازين پارچالا هئي هئي
آي نسل نسيمي سيزه سوسماق كي ياراشماز
تورك اوغلو دئمز آخ ! دريسين سويسالا هئي هئي
داغلار داغيلار گر اوجالا نعره سي توركون
بير نعره دماونده چكيب شاققالا هئي هئي
مين دالغاني توفان توره نر همتيميزدن
دنياني ياپيش لندي كيمين يئر قالا هئي هئي
يازماق گونودور بير قلم آل ساخلا الينده
حق حق ديئيب حق اوسته وئرك دال دالا هئي هئي
هر شهري ده مين بابكيميز قالديراجاق باش
بابك قالاسيندان ياراداق مين قالا هئي هئي
هوشنگ جعفري
گؤنده ر
بؤلوم لر:
توركجه شعر
توركجه ني قوروياق ياديرقاديغيميز سؤزلر(آيتام اورمولو)
ياديرقاديغيميز سؤزلر
ديليميزدن اؤزگه ديل لره گئتميش لغت لرين ساي آز دگيل
آنجاق ائله بو ديليميزين اؤزگه ديل لره گئتميش بير چوخ لغت
لري ايله ياديرقاميش و اونلارين اؤزوموزونكو اولدوقلارين
اونوتموشوق اثرلريميزده ايسه اونلاري اؤزگه ديل لرده تلفظ
اولدوقلاري كيمي يازيريق و دوشونوروك بو بير سهويدير
.ديليميزي بو جهتدن دوزگون لشديرمه لي ييك. مثال اوچون
ديليميزده ( اومماق ـ اومسونماق ـ اومساق) سؤزلري ايله بير
كؤكدن اولان ((اومود)) سؤزونو اكثريتده ((اميد)) يا خود
((اوميد)) يازيب اوخويوروق بونون يانليشليقيني بيلديره رك
دئمه لي ييك بو بير تورك سؤزودور و بيز تورك سؤزلريني هر
حالدا تورك قايدالاري و تورك املاسي ايله يازماليق نتيجه ده
" اميد " دگيل " اومود " يازاجاغيق.هابئله ( آريتماق ـ آريتداماق
ـ آريماق ) سؤزلريندن آلينميش ((آري)) سؤزونو (( عاري))
دگيل (( آري )) يازاجاغيق.و بو آريتدانميش و پاك معناسي
وئرير و آيدان آري سودان دورو مثليميزده ده ايشلنيبدير و
عرب سؤزو دگيل:
يازماياق يازاق
اميد اومود
عاري آري
قطار قاتار
اطاق(اتاق) اوتاق
سبلان ساوالان
نئت اوچون حاضيرلايان آيتام اورمولو
گؤنده ر
بؤلوم لر:
توركجه ني قوروياق
توركجه ني قوروياق ليق ـ لوق ـ ليك ـ لوك (آيتام اورمولو)
دوغما آذربايجان توركجه ميزده ( ليق ـ لوق ـ ليك ـ لوك ) اك لري صفتين سونونا آرتيريلماق ايله صفتدن اسم مصدر دوزه لدير. ( يئكه ليك ـ دوغرولوق ـ اوجاليق ـ دوزلوك )دئديكلريمه مثال اولا بيلرلر.بيلديگيميز كيمي ديليميزده مصدر علامتي ((ماق))و ((مك)) دير و دئمه لي كلمه نين سون هجاسي قالين مصووت اولورسا ((ماق)) ( آلماق ـ آپارماق) كيمي كلمه نين سون هجاسي اينجه مصووت اولان حالدا ((مك)) ( يئمك ـ سوپورمك) كيمي مصدر يارانير ايندي ايسه سؤز بوراسيندادير كي بير پارا يازيلاردا ( شعرلرده ـ مقاله لرده و ...) و حتي بير پارا دانيشيقلاردا و راديو ـ تلويزيون وئرليش لرينده ( آلماقليق ـ گؤرمك ليك ـ يئمك ليك) و بو كيمي تركيبلر گؤرسنير و ائشيديلير بو تركيبلرين يانليش اولدوقلاريني بيلديره رك دئمه لي ييك .( آلماق ـ گؤرمك ـ يئمك) معناني بيتيرير و اونلاردان سونرا گلن اسم مصدر علامتي يئرسيزدير.
يازماياق يازاق
آلماقليق آلماق
يئمك ليك يئمك
گؤرمك ليك گؤرمك
نئت اوچون حاضيرلايان آيتام اورمولو
گؤنده ر
بؤلوم لر:
توركجه ني قوروياق
توركجه ني قوروياق يازاق يازماياق (آيتام اورمولو)
تورپاق ـ توپراق
مختلف يازيلاريميزدا بو ايكي چئشيت يازيني گؤروروك " بونلارين هانسي دوغرودور؟ " سؤالينا گلديكده دئيه بيلريك((توپراق))ين آرتيق سندييتي واردير و اولا بيلر كي توپراق = توپ و راق (صفت علامتي)دان تشكيل تاپميشدير
يازماياق يازاق
توپراق تورپاق
ياپراق يارپاق
گؤرستمك گؤسترمك
اؤرگتمك اؤيرتمك
نئت اوچون حاضيرلايان آيتام اورمولو
گؤنده ر
بؤلوم لر:
توركجه ني قوروياق
گئدورم ـ قالورام
فعل لريميزين يوخاريدا قئيد اولوندوغو كيمي يازيلماقلاري ديليميزين
قايدالاي يله اويغون دگيل .گاهدان بئله بير يازي لاري بير پارا
كتابلاردا خصوصيله نوحه كتابلاريميزدا گؤروروك بونلارين يانليش
اولدوقلاريني بيلديره رك آرتير مالي ييق كي فعل لريميزين بئله
تلفضلاري اهجه لريميزين هئچ بيرينه اوياري يوخدور و بيزيم هئچ بير
شهر و كنديميزده فعل لر بئله تلفظ اولونمورلار.بونا اينانيريق اونو
توركيه لهجه سينين تاثيريندن بيلمك اولار .توركيه ده همين فعل لر
((گيديوروم ))و((قاليوروم)) تلفظ اولونور .اذربايجاندا ايسه ((گئديرم ))
و ((قاليرام)) دئييلمكده ديرنتيجه ده بو ايكي لهجه ني بير ـ بيره
قاتاندا((گئدورم)) و ((قالورام)) كيمي تلفضلار يارانير.بير نئچه باشقا
نمونه يه دققت ائده ك:
يانليش دوز
باخورام باخيرام
ائدورم ائديرم
گلورم گليرم
آلورام آليرام
نئت اوچون حاضيرلايان آيتام اورمولو
گؤنده ر
بؤلوم لر:
توركجه ني قوروياق
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی : ....