هوشنگ جعفريدن گوزل بير شعر

شعري زيبا از هوشنگ جعفري شاعر زنجان

يارين بويون قوجاخلاديم

 يارآغلادي من آغلاديم

ييغشدي قونشولار بوتون

جار آغلادي من آغلاديم

باشيندا قارلي داغلارا

 دانشديم آيرليق سوزون

بير آه چكيب باشينداكي

 قار آغلادي من آغلاديم

طاريمدا نار آغاجلاري

 مني گوروب دانيشديلار

بويومو زيتون اوشاخدي

 نار آغلادي من آغلاديم

ايله كه اسدي بير خزان

تالاندي گولليرم منيم

خبر چاتينجا بولبوله

خار آغلادي من آغلاديم

اورك سوزون دئديم تارا

سيملر اولدي پارا پارا

ياواش ياواش سيزيلدادي

تا آغلادي من آغلاديم

دئديم كي حق منيم كي دير

باشيمي چكديلر دارا

طنف سيخاندا بوينومو

 دار آغلادي من آغلاديم

جعفري يم بويوم بالا

اوركده غم قالا قالا

يار جانمي آلا آلا

 يار آغلادي من آغلاديم

گؤنده ر     بؤلوم لر: ادبيات

                  ديليميز

بوگونكو آذربايجاندا دانيشيلان ديل توركجه، تورك

ديلي،توركي،آذربايجان توركجه سي،آذري توركي وباشقا آدلارايله

آدلانير.

بو ديل تورك ديل لرينين بير بؤيوك قولو ساييلان اوغوز شاخه سينين

بير لهجه سي دير. بوگونكو دونيادا آذربايجانلي لار، توركمن لر و آنا

دولو و بير نئچه باشقا تورك خلق لري اوغوز طايفالارينين نسليندن

ساييليرلار و بو لهجه لرين آراسيندا بير چوخ اوخشارلار و بنزييش لر

واردير.

ديلچي عاليم لر (فيلولوق،زبان شناس)دونيا ديل لرين عموميتده  اوچ

قولا آييريرلار:تك هجالي ديل لر، تصريفي ديل لر و التصاقي ديل لر.

چين ديلي ، تبت ديلي ،سيام وبير نئچه ديل لر تك هجايي ديل

لردن ساييليرلار.

فارس ديلي ، عرب ديلي ، هند ديلي و بير نئچه باشقا ديل

لرتصريفي ديل لردن ديرلر.

تورك ديلي التصاقي بير ديل ساييلير ، التصاقي ديل لرده كلمه

سينمايير و كلمه نين شكلي پوزولمايير آنجاق اونا اك لر(پسوند

لر)آرتير ماقلا مختلف معنالار داشي يير.

نئت اوچون حاضيرلايان آيتام اورمولو

گؤنده ر     بؤلوم لر: ادبيات