اول مهر
بوگون مهرين اول گونويدور.مدرسه لرين آچيليش گونو.سوينچ و حوزن له
برابر ياشاديغيميز گون.
سوينچ، چونكي يولداشلاري گورمك گونودور.علم يولونو داوام
ائتمه ك
گونودور.حوزن،چونكي «سو» دئيدييميز گوزل كلمه ني مجبوروز «آب »
يازيب اوخوياق.نيه گره ك بير ملت اوز اوشاقلاريني آيري ديله يازيب
دانيشماقا مجبور ائله يه؟ دوزدو كي من چوخدان داها مدرسه يه
گئتميره م،اما
هر ايل بوگون ،بو حوزنو و حسرتي باشكا اوز وطنينده
اسارت ده ياشيان ملتلر
كيمين حس ائليره م. و تمام وجودومنان
قورتولوش گونون گوزلوره م.
نيه گره ك30 ميليون تورك ايراندا اوز آتابابا يوردلاريندا اوز آناديلينده يازيب
اوخوماخدان محروم اولسونلار؟
آيا بو اينساني دير؟آيا بو قرانين يازديقلارينان كي اينسانلاري برابر بيلير
مخالف دئيل؟
30 ياشيم اولدو اما بيرگون، حتي بير دقيقه ،مدرسه ده يا
دانشگاهدا
توركو يازيب اوخوماقي اورگشمه ديم.30 ياشيم اولدو آناديليمه بير
رسمي نامه يازماديم.
هميشه تاريخ كيتابلارينين يازديقي يالانلار،ايرانين تمام
تاريخيني يالان
هخامنشي امپراطورلوغونا محدود ائتماقدان نفرت ائله ديم وهئچ
زامان
يالانلارينا اينانماديم.تاريخ وادبيات كيتابلاريندا تورك لري حذف
ائله مه يه
حسرت چكديم. بيزيم ميلتيميزي تحقير ائله ديلر سوسدوم.بيز كي
ايرانين ان قديم مللتلرينده نيخ بيگانه و وحشي و غاصب ساييلديخ.اما
هخامنش
لر كي يهوديلرين مزدورلاريميش لار وبيگانه، ايرانين اصلي
ساكنلري گورستيلديلر.
تمام موزه لرده باخديم كي هامي تاريخلر هخامنشه ختم اولور.نيه؟
اونلاردان قاباخ ايراندا هئچ اينسان ياشاميردي؟ ياشيردي و
او ملت
بيزيخ.و هله ده ياشيريخ وهئچ زامان ديليميزي ياددان
چيخارتماديق.ياساق اولدوخ اما ياشاديق .و ايندي ده ياشيريق.اما
حسرت بيزيمله ياشيير.
گلين اوز حقلريميزي تانيياق و ايناناق.و اونلاري آلماقا چاليشاق.آنا
ديليميزين مدرسه لرده رسمي لشديرمه سينه زحمت چكه ك.
اوز هويت وتاريخيميزده ن صاحاب چيخاق.يوخسا آيريلاري
اونلاري
صاحابلاناجاخلار.گوزل وطنيميز كيمين.بو ميراثين قدرين بيلمه لييق.
چاليشمالييق.
.............
آيدين گونلر گله جك.
گؤنده ر
بؤلوم لر:
توركجه ني قوروياق
تحريف اولونموش يئر آدلاري
آذربايجاندا فارسلاشديرما سياستي نين اوزوناسيندا(امتداد)بير چوخ يئر آدلاريميز تحريف اولوبلار. بو آدلاردان بير تعدادي بوتوولوك له دگيشيليب و اونلارين اصيل آدلاري اونودولماقدادير مثال ايچون:
سويوق بولاق مهاباد!
توفارقان آذرشهر!
تيكان تپه تكاب!
خي يوو مشكين شهر!
قوشاچاي مياندوآب!
صائين قالا شاهين دژ!
سولدوز نقده!
خانا پيرانشهر!
اوشنو اشنويه!
ساري داش سردشت!
سينان دژ سنندج!
.... ....
نئت اوچون حاضيرلايان:آيتام اورمولو
گؤنده ر
بؤلوم لر:
توركجه ني قوروياق
آسيميلاسيون ـ ادغام
كلمنه نين تلفظونده بير حرفين آيري بير حرفه چئوريلمه سينه آسيميلاسيون دئييلر.ايندي ايسه بير نئچه حرفين چئوريلمه سينه اشاره اولونور.
ن ----»م ، يانمير----»ياممير، اووونمور ----» اوووممور
چ----»ش ، اوچسام ----»اوشسام ، آچماق ----» آشماق
ر ----» ل ، گئديرلر----» گئديل لر، گؤرورلر ----» گؤرول لر
ت و ز ----» س ، آتسا ----» آسسا، پوزسا ----» پوسسا
بو حرفلرين دگيشيلمه سي لهجه ده و تلففطد ه دير يوخسا ادبي ديلده و يازيلاردا هر كلمه نين دوغرو و دوزگون حالتين يازاجاغيق:
يازماياق يازاق
آلاللار آلارلار
تؤكه للر تؤكرلر
توپلاياللار تئپلايارلار
ازللر ازرلر
نئت اوچون حاضير لايان آيتام اورمولو
گؤنده ر
بؤلوم لر:
توركجه ني قوروياق
دانيشقلاريميزدا بير ايراد
گونده ليك دانيشيقلاردابئله بير جمله لري ائشيتمك اولور:
ـ صاباح ائليه بيلرسن گله سن؟ ائليه بيلسن گله سن بير گل!
@ ياخشي ائليه بيلسم گلرم.
بئله بير جمله لر و بو ساياق فعل لر تماميله فارس گرامرينين تاثيريندن يارانير و اونلارين دئييلمه سي آذربايجان ديلينده يئر سيز دير اونلارين يئرينه ديليميزده دئمك اولار:
ـ صاباح گله بيلرسن؟ گله بيلسن بير گل.
ـ ياخشي گله بيلسم گلرم.
گؤروندوگو كيمي بو ايكينجي جمله لرين هم حجمي آزدير هم فصاحتي آرتيق دير و تورك گرامرينه اويغون دور بو ايسه:
دئمه يك دئيه ك
ائليه بيلرسن گله سن گله بيلرسن
ائليه بيلرم اوخويام اوخويا بيلرم
ائليه بيلر گئده گئده بيلر
ائليه بيلرديك قالاق قالا بيلرديك
نئت اوچون حاضير لايان آيتام اورمولو
گؤنده ر
بؤلوم لر:
توركجه ني قوروياق
توركجه ني قوروياق ياديرقاديغيميز سؤزلر(آيتام اورمولو)
ياديرقاديغيميز سؤزلر
ديليميزدن اؤزگه ديل لره گئتميش لغت لرين ساي آز دگيل
آنجاق ائله بو ديليميزين اؤزگه ديل لره گئتميش بير چوخ لغت
لري ايله ياديرقاميش و اونلارين اؤزوموزونكو اولدوقلارين
اونوتموشوق اثرلريميزده ايسه اونلاري اؤزگه ديل لرده تلفظ
اولدوقلاري كيمي يازيريق و دوشونوروك بو بير سهويدير
.ديليميزي بو جهتدن دوزگون لشديرمه لي ييك. مثال اوچون
ديليميزده ( اومماق ـ اومسونماق ـ اومساق) سؤزلري ايله بير
كؤكدن اولان ((اومود)) سؤزونو اكثريتده ((اميد)) يا خود
((اوميد)) يازيب اوخويوروق بونون يانليشليقيني بيلديره رك
دئمه لي ييك بو بير تورك سؤزودور و بيز تورك سؤزلريني هر
حالدا تورك قايدالاري و تورك املاسي ايله يازماليق نتيجه ده
" اميد " دگيل " اومود " يازاجاغيق.هابئله ( آريتماق ـ آريتداماق
ـ آريماق ) سؤزلريندن آلينميش ((آري)) سؤزونو (( عاري))
دگيل (( آري )) يازاجاغيق.و بو آريتدانميش و پاك معناسي
وئرير و آيدان آري سودان دورو مثليميزده ده ايشلنيبدير و
عرب سؤزو دگيل:
يازماياق يازاق
اميد اومود
عاري آري
قطار قاتار
اطاق(اتاق) اوتاق
سبلان ساوالان
نئت اوچون حاضيرلايان آيتام اورمولو
گؤنده ر
بؤلوم لر:
توركجه ني قوروياق
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی : ....