بابك كيمي دور قوللاريني چيرمالا هئي هئي
تورك ائللريني ييغماغا تونقال قالا هئي هئي
باش بؤلگو بؤلنلر سيزي ياددان چيخاديبلار
حق آلمالي دير دور ياپيشاق قول قولا هئي هئي
غم ديو كيمي دونياني دوتوب اوجونا سيخدي
باس بار ماغي سينسين بوغازين پارچالا هئي هئي
آي نسل نسيمي سيزه سوسماق كي ياراشماز
تورك اوغلو دئمز آخ ! دريسين سويسالا هئي هئي
داغلار داغيلار گر اوجالا نعره سي توركون
بير نعره دماونده چكيب شاققالا هئي هئي
مين دالغاني توفان توره نر همتيميزدن
دنياني ياپيش لندي كيمين يئر قالا هئي هئي
يازماق گونودور بير قلم آل ساخلا الينده
حق حق ديئيب حق اوسته وئرك دال دالا هئي هئي
هر شهري ده مين بابكيميز قالديراجاق باش
بابك قالاسيندان ياراداق مين قالا هئي هئي
هوشنگ جعفري
گؤنده ر
بؤلوم لر:
توركجه شعر
غزل تركي.توركجه گؤزل بير غزل
گؤردوكجه سنين دردينه ياننام ده ييشيللم
گيزلين باخيشيندان اونو آننام ده ييشيللم
مين يول دا مني كوسدوروب اينجيتسن اؤزوندن
بير سؤز باريشيقدان دئ ايناننام ده ييشيللم
بوندان بئله اغياره گولومسر اوزون اولسا
گوللم اؤزومه عشقيمي داننام ده ييشيللم
ياننام اريره م شام كيمي دولغونلاشارام من
بير ائل غمي تك منده قالاننام، ده ييشيللم
گؤنده ر
بؤلوم لر:
توركجه شعر
دوغوم گونون
بوگون سنين دوغوم گونون ، موبارك اولسون مله ييم
لاييق اولان هديه سنه واردي جانيم آل چيچه ييم
شادليق ايچينده بوغولوب ، پيس گونه حسرت قالاسان
بودور منيم حاياتداكي تك بويوك آرزوم ديله ييم
آيري دا اولساق گوزليم اونودمارام آد گونونو
چونكو كونول دن سئوه ني اولسه اونودماز اوره ييم
دوغوم گونون بوگون آما يوخدور اليمده اللرين
سئومه ييرسن سئومه مني سئوگي ده اولماز گره ييم
سئوگيمي يار اينان گينان هئچ كيمه تاي بيلمه مني
عاشيقينم بودور منيم سندن اولان تك ايسته ييم
اگر ياري خوشبخت ائده بيلمه يه جم آيري دوشاق
سنده يارين قيسمتيني خوشبختليه ياز فله ييم
گؤنده ر
بؤلوم لر:
توركجه شعر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی : ....