تورك اوشاغي فارس مدرسه سينده!

     مدرسه ده موعلليم   يئنه دويدو اليمدن     باجار ماديم فارسيني 

           ايراد توتدوديليمدن!

        دئديم : آغا موعلليم      وورما ، گوينه دي اليم        نه دير آخي گوناهيم

           توركودورمنيم ديليم

        يا پيشدي قولاغيمدان دئدي : بوراخ توركونو      اوقالدي ائوينيزده

          اونوت گئتسين كو كونو

      اؤ يره نمه سن  آب -  بابا    آچاجاقسان اليني كو تك يئيه ندن سونرا

           اونودارسان ديليني

      سنين هاران توركدور؟ آذريسن ، آذري       كيم او يره ديبدير سنه

         بئله يانليش سؤ زلري؟

     آخدي گؤزومون ياشي    تيتره دي ديل -  دوداغيم  بئله يالان سؤزلره

         اينانمادي قولاغيم

     آنام مني اويدورماز   آتام مني آلداتما ز   بو سؤزلرين هئچ بيري

          منيم عاغليما باتما ز

       نييه منيم آديمي   سوروشما ييراؤزومدن    نييه سؤزون دوزونو

            اوخوماييرگؤزومد ن

      هركس يالان دانيشسا    آلاهين دوشماني دير  من كي يالان دئميرم

            بو اونون يالاني دير

            لايلاي دئيبديرآنام منه بئشيكده توركو   دانيشميشق هاميميز

                ائوده ائشيكده توركو

           نه دن گئرك يازماياق   ديليميزي كيتابا    مدرسه ده نه اوچون

                   گلمه يك بيز حسابا ؟

          يقين كوتك يئمزديم   اوخو سايديم ديليمي    گينرتي سيخمازديم

                   قولتو غوما اليمي

        قوي بو يويوم بير اوزوم   اولاجاغا م موعلليم   اوندا چوخ ايش گؤره جك

             بوگون گوينه ين اليم

         كيلاسيمدان گله جك   ائليميزين اؤز سسي  اولاجاقدير او زمان  

  توركون ده مدرسه سي

گؤنده ر     بؤلوم لر: توركجه شعر

Urmu Gölü

Urmu gölü nələr gəlib başına ?

Qurudurlar niyə bu az yaşına ?

Qurban olum o duzlu göz yaşına

Niyə sənin gözün yaşın silən yox ?

Axı nədən səni dərman edən yox ?

Urmu gölüm nədir sənin gunahın ?

Yoxdur sənin bizdən sonra pənahın

Almamısan heç bir ınsanın ahın

Sənin suda ki bir nəfər ölən yox

Axı nədən səni dərman edən yox ?

Bir zamanlar çimərdik qucağında

Quylanardıq şəfali torpağında

Susuz qalıbdır dilin dodağında

Niyə çaylar bağlanıbdır gələn yox ?

Axı nədən səni dərman edən yox ?

Urmu gölüm oldun bizə sən Ana

Insaf dəyil qoyaq ürəyin yana

Olmaz evlad ki öz Anasın dana

Duzlu dəniz səndən kimsə küsən yox

Axı nədən səni dərman edən yox ?

Azərbaycan qəlbi səndə döyünür

Sən olmasan yurdum ölü görünür

Millət sənsiz başqa yerə köçünür

Niyə sənin dərdini heç bilən yox ?

Axi nədən səni dərman edən yox ?

Düz yetdi gün yatdım urmu gölündə

Aldım səndən " Duzlu Oğlan " sözündə

Oxuyuram sənin ağlar gözündə

Azərbaycan gəlinini sevən yox ?!

Axı nədən məni dərman edən yox ?

Şair : Vəhid Şükürzadə

گؤنده ر     بؤلوم لر: توركجه شعر

                         دئمرم

اوليندن عادتيم دير سؤزده يالان دئمرم

  من توركجه دانيشارام ديله زبان دئمرم

آنام مني اوشاقليقدا تورك ديلي دانيشديريب

  آتام منه چؤره ك وئريب چؤره گه نان دئمرم

من آنامين امجگيندن توركجه سود امميشم

 ايندي ده امجك دئييرم داحي پستان دئمرم

سو ايچنده ذوق ائده رم داد وئرمز آغزيمدا آب

سرين له سم كؤلگه ليكده دا سايبان دئمرم

دريالاردا گمي لري گزديرر گميچي لر

چوخ گؤزل دير گميچي ليك دا كشتيبان دئمرم

ائو ـ ائشيگيم ايشيقلانار قوناقلاري گؤرنده

 من قوناغي چوخ سئورم آمما مهمان دئمرم

آنام منه دون تيكردي سيريق ـ سيريق آرخاليق

 كؤينگيمين اتگينه داحي دامان دئمرم

اوول ائوده اوشاقلارا تورك ديليني اؤيره دزم

  آنا يا آنا دئيه رم دا مادرجان دئمرم

بير گؤزه لي تعريف ائتسم توركوجه سؤز قوشارام

 كيپريگين اوخ قاشلارين ياي، ابرو كمان دئمرم

بئشيگه گهواره دئمم او مني ييرقالاييب

صوبحه كيمي گودوكچويه من نگهبان دئمرم

قونشويا همسايه دئمم من يولداشا دا همراه

اوغولا اوغول دئيه رم هئچ پسر جان دئمرم

اكينچي يم  يوخ كشاورز، تورپاغا خاك دئمرم

 اولدوزا ستاره دئمم گؤيه آسمان دئمرم

گؤي گورولدار ياغمور ياغار  ياشيل لانار يايلالار

هر نه قدر ياغيش ياغسا اونا باران دئمرم

دگرلي يه دگر وئررره م ارزشدن چيخماز باشيم

اوجوزا اوجوز دئيه رم داحي ارزان دئمرم

آتا ـ بابام تورك دور منيم توركجوجه دانيشارام

فارسي دا خوش شيرين ديلدير خوشا يامان دئمرم

 دده كاتب تورك اوغلويام چوخ دادلي دير ديليميز

 ماهي يه باليق دئيه رم سونا پايان دئمرم.

شعر دده كاتب:نئت اوچون حاضيرلايان آيتام اورمولو

گؤنده ر     بؤلوم لر: توركجه شعر

  غفلت

اؤزون داده يئتيش يارادان آللاه

گوجدن دوشدوك قدرتيميز قالمالدي

مين دؤرد يوز ايل شهرتيميز وارايدي

ذليل اولدوق عززتيميز قالمادي

دوستلاري اونوتدوق دوشمني توتدوق

يولداشي بوراخديق اويناشي توتدوق

بيرليك آغاجيني كؤكدن قوروتدوق

دامارلاردا غيرتيميز قالمادي

دامارلاردا ايستي قانلار آخاردي

قيلينجيميز شيمشك كيمي چاخاردي

هر دؤرد طرف گوجوموزدن قورخاردي

هئچ زاد اولدوق هيبتيميز قالمادي

دده كاتب بيزي پوزدو بو غفلت

ديلده داد قالمادي آغيزدا لذت

خوش جمله دير معلول اولماز بي علت

علت بودور وحدتيميز اولمادي

شعر دده كاتب نئت اوچون حاضيرلايان آيتام اورمولو

گؤنده ر     بؤلوم لر: توركجه شعر

آذربايجان

اولو بير آد، تايسيزدير دونيادا،

 اوره ييمدن اونا باغلانتي قورولوبدور،

آذربايجان آديني، اوره ييمين وبلاگينا لينك ائتميشم،

اينتئرنئت كسيلسه بئله، بو باغلانتي كسيلمزدير،

ياشاييش دونونو اينيمه گئينده، مارك-ينين اوستونده

بو آدي وورموشام، همده پولاددان!

روحومون آديدير، آذربايجان،

جانيمدان چيخسا روحوم،

قالماياجاقدير جيسميمده جان،

آذربايجان..

سؤز:  واحدي جنابلاري اورمودان

گؤنده ر     بؤلوم لر: توركجه شعر