استقلال تراختورون آلتيندا قالدي
استقلال تيمي، ۱۳۸۰ ايليندن اعتباراً تراختور تيميني يئنه‌بيلمه‌ميشدير
گؤني آذربايجانين مشهور تراختور تيمي بيرينجي سيرايا يوكسلدي
تبريزين تراختور فابريكاسينا باغلي اولان، آنجاق آذربايجانين هر طرفينده و ايراندا توركلرين ياشاديغي هر بؤلگه‌ده مينلرجه طرفداري ايله تانينان تراختور تيمي، دونن تهرانين ادعالي تيملريندن اولان استقلال تيميني تاريخي بير اويوندا ۳-۲ يئنيلگييه اوغراتدي.
اويون ساعات ۱۸:٤٥-ده تهرانين آزادي ايستاديوموندا ۹۰ مين تاماشاچي‌نين قاتيليمي ايله باشلادي.
۲۰-جي دقيقه‌ده فرهاد مجيدي‌نين آتديغي قوللا استقلال ۱-۰ اؤنه گئچدي. ٤۱-جي دقيقه‌ده ايسه محسن حسيني‌نين قولو ايله تراختور دورومو ائشيتله‌دي. آنجاق تراختور اويونجولاري بونونلا دا يئتينمه‌ييب، بيرينجي ياريدا ايكينجي قولو آتماغي دا باشارديلار.
ايكينجي ياريدا محسن حسيني‌نين يانليش بير حركتي نتيجه‌سينده استقلال دورومو ۲-۲ ائتدي.
تراختور تيمي‌نين يئنيدن هجوما باشلاديغي ايكينجي ياريدا پورتاغاللي اويونچو لوپز، ظفر قولونو آتاراق طرفدارلاري سئوينديردي.
آلينان خبرلره گؤره، بير چوخ تراختور طرفداري‌نين ايستاديومو گيريشينه ايذين وئريلمه‌ديگيندن اولايلار ياشاندي.
بو ظفردن سئوينن خالقين تبريز و ديگر شهرلرده قوتلامالار دوزنله‌ديكلري و بعضي محله‌لرده پوليسله قوتلاييجيلار آراسيندا چاتيشمالار اولدوغو دا آلينان خبرلر آراسيندادير.
بو اويون، تراختور تيمي‌نين آرد آردا الده ائتديگي بئشينجي غالبيتي ساييلير. تراختور تيمي داها اؤنجه ذوب آهن، شاهين، داماش و شهرداري تيملريني اوتوزدورموشدو.
خاطيرلاتمالي‌ييق كي، استقلال تيمي، ۱۳۸۰ (۲۰۰۱) ايليندن اعتباراً تراختور تيميني يئنه‌بيلمه‌ميشدير.
گؤنده ر
بؤلوم لر:
خبرلر
"Dünya raporu" proqramında Urmu gölü aksiyaları haqda süjet efirə verildi
TRT Türk kanalı İranda hakimiyyətin Urmu gölünün qurumasına etinasız
yanaşmasına etiraz əlaməti olaraq keçirilən aksiyalarla bağlı süjet yayınlayıb.
Süjet sentybarın 5-də, TRT-Türk-də efirə gedən "Dünya raporu" proqramında efirə gedib.
Xəbərdə İranda böyük ekokoji fəlakətin qarşısının alınması üçün Urmiyə, Təbriz və digər şəhərlərdə keçirilən aksiyalardan və təhlükəsizlik qüvvələrinin müdaxiləsindən bəhs edilib.
گؤنده ر
بؤلوم لر:
خبرلر
تحريف اولونموش يئر آدلاري
آذربايجاندا فارسلاشديرما سياستي نين اوزوناسيندا(امتداد)بير چوخ يئر آدلاريميز تحريف اولوبلار. بو آدلاردان بير تعدادي بوتوولوك له دگيشيليب و اونلارين اصيل آدلاري اونودولماقدادير مثال ايچون:
سويوق بولاق مهاباد!
توفارقان آذرشهر!
تيكان تپه تكاب!
خي يوو مشكين شهر!
قوشاچاي مياندوآب!
صائين قالا شاهين دژ!
سولدوز نقده!
خانا پيرانشهر!
اوشنو اشنويه!
ساري داش سردشت!
سينان دژ سنندج!
.... ....
نئت اوچون حاضيرلايان:آيتام اورمولو
گؤنده ر
بؤلوم لر:
توركجه ني قوروياق
دئمرم
اوليندن عادتيم دير سؤزده يالان دئمرم
من توركجه دانيشارام ديله زبان دئمرم
آنام مني اوشاقليقدا تورك ديلي دانيشديريب
آتام منه چؤره ك وئريب چؤره گه نان دئمرم
من آنامين امجگيندن توركجه سود امميشم
ايندي ده امجك دئييرم داحي پستان دئمرم
سو ايچنده ذوق ائده رم داد وئرمز آغزيمدا آب
سرين له سم كؤلگه ليكده دا سايبان دئمرم
دريالاردا گمي لري گزديرر گميچي لر
چوخ گؤزل دير گميچي ليك دا كشتيبان دئمرم
ائو ـ ائشيگيم ايشيقلانار قوناقلاري گؤرنده
من قوناغي چوخ سئورم آمما مهمان دئمرم
آنام منه دون تيكردي سيريق ـ سيريق آرخاليق
كؤينگيمين اتگينه داحي دامان دئمرم
اوول ائوده اوشاقلارا تورك ديليني اؤيره دزم
آنا يا آنا دئيه رم دا مادرجان دئمرم
بير گؤزه لي تعريف ائتسم توركوجه سؤز قوشارام
كيپريگين اوخ قاشلارين ياي، ابرو كمان دئمرم
بئشيگه گهواره دئمم او مني ييرقالاييب
صوبحه كيمي گودوكچويه من نگهبان دئمرم
قونشويا همسايه دئمم من يولداشا دا همراه
اوغولا اوغول دئيه رم هئچ پسر جان دئمرم
اكينچي يم يوخ كشاورز، تورپاغا خاك دئمرم
اولدوزا ستاره دئمم گؤيه آسمان دئمرم
گؤي گورولدار ياغمور ياغار ياشيل لانار يايلالار
هر نه قدر ياغيش ياغسا اونا باران دئمرم
دگرلي يه دگر وئررره م ارزشدن چيخماز باشيم
اوجوزا اوجوز دئيه رم داحي ارزان دئمرم
آتا ـ بابام تورك دور منيم توركجوجه دانيشارام
فارسي دا خوش شيرين ديلدير خوشا يامان دئمرم
دده كاتب تورك اوغلويام چوخ دادلي دير ديليميز
ماهي يه باليق دئيه رم سونا پايان دئمرم.
شعر دده كاتب:نئت اوچون حاضيرلايان آيتام اورمولو
گؤنده ر
بؤلوم لر:
توركجه شعر
غفلت
اؤزون داده يئتيش يارادان آللاه
گوجدن دوشدوك قدرتيميز قالمالدي
مين دؤرد يوز ايل شهرتيميز وارايدي
ذليل اولدوق عززتيميز قالمادي
دوستلاري اونوتدوق دوشمني توتدوق
يولداشي بوراخديق اويناشي توتدوق
بيرليك آغاجيني كؤكدن قوروتدوق
دامارلاردا غيرتيميز قالمادي
دامارلاردا ايستي قانلار آخاردي
قيلينجيميز شيمشك كيمي چاخاردي
هر دؤرد طرف گوجوموزدن قورخاردي
هئچ زاد اولدوق هيبتيميز قالمادي
دده كاتب بيزي پوزدو بو غفلت
ديلده داد قالمادي آغيزدا لذت
خوش جمله دير معلول اولماز بي علت
علت بودور وحدتيميز اولمادي
شعر دده كاتب نئت اوچون حاضيرلايان آيتام اورمولو
گؤنده ر
بؤلوم لر:
توركجه شعر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی : ....