مكتوبدا دئييلير كي، اورمو گؤلونون قوروماسيندا "دنگه‌سيز گليشمه كيمي انساني مداخله‌لر"، "اورانتيسيز سد تيكينتيلري"، "گؤلون اورتاسيندان چكيلن يول"، "وئريمسيز اكينچيليگين ياييلماسي و ياسال و ياسال اولمايان قويولارين قاريلماسي" كيمي عاميللر اؤنملي رول اويناميش و بو پروبلم، طبيعي بير سورجين نتيجه‌سينده اورتايا چيخماميشدير.
مكتوبدا بئله يازيلير: "اورمو گؤلونه اطرافدان، اؤرنگين آراز و زاب چايلاريندان سو گتيريلمه‌سي، باشلانغيجداكي بؤيوك ضررلري و سونونداكي بليرسيز تأثيرلري دقته آليناراق، بير چوخ چئوره اوزمانيني قايغيلانديرميشدير. بيز بو قايغيلاري دستكله‌مك و بو كيمي يؤنتملره مخاليفتيميزي بيلديرمكله بيرليكده اينانيريق كي، بؤلگه‌نين اكو سيستميني هر طرفلي بير شكيلده دقته آلمايان قرارلار، سورونلاري چؤزه‌بيلمه‌يه‌جك، حتي پروبلملرين چوخالماسينا سبب اولاجاقدير."
مكتوبو امضالايانلار آيريجا قيد ائديرلر كي، "اورمو گؤلونده اورتايا چيخان سورونلار بير گونده عمله گلمه‌ديگي كيمي، بير گونده ده چؤزوله‌بيلمز و تمللي چيخيش يوللاري دوشونولمه‌ليدير."
مكتوبون داواميندا بئله يازيلير:
"يئتكيلي قوروملار، بيربيرلريني سوچلاماق يئرينه، اؤز يانليش و قصورلاريني قبول ائتمه‌لي و گركيرسه، اؤنجه‌كي يانليش قرارلاري اوزرينه قيرميزي چيزگي چيزمه جسارتيني گؤسترمه‌ليلر... بيزجه بوگونكو اورتامدا ان گؤزل حادثه، دؤلت، مديا، قوروم و قورولوشلار و اوزمانلار آراسيندا ديالوقون قورلماسي‌دير. بو ديالوقون هدفي ايسه، اورمو گؤلو اوچون بؤلگه‌نين اكوسيستمي، اقتصادي، اجتماعي و طبيعي حياتي نظره آليناراق منطيقلي بير چؤزومون تاپيلماسي‌دير."
آيريجا آلديغيميز خبره گؤره، سوئد پارلمانيندا ياشيل پارتي ميلت وكيلي بوديل سبالوس، بير تاساري سوناراق، سوئد دؤلتيندن چئوره قونوسوندا ايرانلا مذاكره ائتمه‌سيني ايسته‌دي. بو تاساريدا گنلليكله ايرانداكي انسان حاقلاري اخلالينا و اؤزلليكله ده اورمو گؤلونون اسفلنديريجي دورومونا اشاره ائديلميشدير.
ياشيل پارتي، سوئد پارلمانينداكي ان ّريوك اوچونجو پارتي‌دير.
گؤنده ر
بؤلوم لر:
اورمو گؤلو حاققينداNews of Lake Urmia
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی : ....