« آتماز »

چوخ داش آتيلار ، هر آغاجين ميوه سي اولسا

ديوانه ده هئچ سروه  ، گولوم داشيني آتماز

نامردلره خرج ايله مه گل شعريني شاعير

البته كي زرگر چوله داشقاشيني آتماز

آرواد نه قدر اولسا مسلط ده ، يقين بيل

قان قيديني يئرتيب ، كيشي قارداشيني آتماز

دونيا چوغولو اولسادا ، هر قاينانا بالديز

آرواددا اگر ذات اولا ، سيرداشيني آتماز

نامرد آدامين سوفره سينه ، مرد ياراشماز

هئشترخان اولا سوفره ده ، بوزباشيني آتماز

يوسف كيمي نامحرم اگر قارشينا چيخسا ؛

عيصمت لي قادين ، بللي دي گوز قاشيني آتماز

«توركون ديلي تك سئوگيلي ايستكلي ديل اولماز»

غيرتلي اولان تورك ده ، ديلداشيني آتماز

" انباز"ا دا يولداشلاري جانيندن عزيز دير

جان قوربان ائدر يولداشا ، يولداشيني آتماز

انباز بي" بلاقيندان